Cynorthwyydd Gweinyddol

Ydych chi'n barod am yrfa werth chweil? Er mwyn i ni allu darparu plismona eithriadol i bawb mae angen gweithlu amrywiol arnom ni gydag amrywiaeth o sgiliau a galluoedd i ddarparu gwasanaeth o'r radd flaenaf i gymunedau Gwent.  

Mae hwn yn secondiad / contract tymor penodol am 12 mis i ddarparu cymorth gweinyddol amrywiol i’r Adran Safonau Proffesiynol, gan gyfrannu at berfformiad yr adran a’r heddlu o ran darparu gwasanaeth sy’n canolbwyntio ar y cwsmer.

Os ydych chi eisiau mwy o wybodaeth am y rôl, cysylltwch â Donna Passaro- Donna.Passaro@gwent.police.uk

SUT I YMGEISIO  

Os ydych chi'n credu bod gennych chi'r sgiliau a'r brwdfrydedd ar gyfer y swydd hon, cliciwch y ddolen isod i weld y disgrifiad swydd. Os ydych chi'n credu mai hon yw'r swydd i chi, llenwch ffurflen gais, gan ddangos tystiolaeth yn y meysydd gofynnol (fel arfer ar dudalen olaf y disgrifiad swydd a gellir gweld yr uchafswm geiriau ar gyfer pob maes yn y ddogfen hon hefyd). 

Sylwch fod teitlau’r meysydd y mae gofyn i chi ddangos tystiolaeth yn eu herbyn (yn unol â’r fanyleb person) wedi’u llenwi ar y ffurflen gais yn barod. Cyfeiriwch at y fanyleb person i gael gwybodaeth bellach am y dystiolaeth sy’n ofynnol o dan bob teitl. 

Cyfeiriwch hefyd at y canllaw i ymgeiswyr sydd ynghlwm isod sy'n rhoi mwy o fanylion ynglŷn â sut i gwblhau eich cais. 

YMGEISWYR MEWNOL: Sylwer na allwn symud eich cais i’r cam rhestr fer nes y byddwn wedi derbyn eich ffurflen Cymeradwyaeth Rheolwr Llinell. Cyflwynwch y ffurflen hon erbyn y dyddiad cau. Diolch. 

Sylwer: Nid yw swyddogion heddlu'n gymwys i ymgeisio am swyddi Staff Heddlu tra'u bod yn cael eu hysbysebu'n fewnol.  Tynnwch hyn pan fydd y swydd yn mynd yn allanol.  

Sylwer: Ni all swyddogion heddlu ymgeisio am swyddi swyddogion mewnol nes eu bod wedi cwblhau eu cyfnod prawf yn llwyddiannus. Fodd bynnag gall swyddogion sy'n ymgeisio i fod yn Ymchwilydd dan Hyfforddiant, Cwnstabl Heddlu ar y tîm Rhagweithiol a Phennu Tasgau, Timau Cymdogaeth, Timau Safleoedd Troseddau, tîm Cam-fanteisio ar Blant a'r tîm CID ymgeisio os ydych yn nhri mis olaf eich cyfnod prawf ac os yw eich perfformiad a chynnydd academaidd yn mynd i arwain at lwyddiant. Ni fyddwch yn cael eich rhyddhau tan ddiwedd eich cyfnod prawf. Tynnwch hyn pan fydd y swydd yn mynd yn allanol.  

Sylwer bod y dyddiadau rhyddhau ar gyfer unrhyw swyddi Cwnstabl Heddlu/Ditectif Gwnstabl Heddlu yn amodol ar anghenion gweithredol.  

Sylwer: Mae angen i Ringylliaid fod wedi cwblhau 12 mis mewn swydd cyn ymgeisio am swyddi eraill oni bai y ceir amgylchiadau eithriadol. Tynnwch hyn pan fydd y swydd yn mynd yn allanol 

Y buddion rydym yn eu cynnig: 

Yma yn Heddlu Gwent, rydym yn gwerthfawrogi ein gweithwyr, ac rydym yn rhoi digonedd o gefnogaeth a hyfforddiant i sicrhau eich bod yn rhagori yn eich swydd. Rydym hefyd yn cynnig buddion fel y rhai canlynol:   

• Hawl i wyliau blynyddol hael sy’n codi i naill ai 29 neu 30 diwrnod yn dibynnu ar raddfa, yn ogystal ag wyth gŵyl banc  

• Rhaglen Cymorth i Weithwyr ac amrywiaeth o raglenni cefnogi lles   

• Mynediad am ddim i gampfeydd yn ein safleoedd   

• Gostyngiadau gan nifer o fanwerthwyr trwy’r cynllun Blue Light a Cherdyn Vectis  

• Cynllun Beicio i’r Gwaith  

• Gweithio Hybrid/Ystwyth (yn dibynnu ar y swydd)  

• Cyfleoedd i weithio’n hyblyg  

• Cynllun pensiwn Llywodraeth Leol  

• Amrywiaeth o rwydweithiau cefnogi       

• Hawl i wyliau mamolaeth/tadolaeth a mabwysiadu hael      

• Darpariaethau tâl salwch hael     

• Opsiwn i ymaelodi ag UNSAIN, yr undeb gwasanaethau cyhoeddus  

• Opsiwn i ymuno â chynllun iechyd cyfrannol, gydag amser aros wedi’i hepgor, sy’n rhoi mynediad at ddiagnosteg a thriniaethau. 

Amrywiaeth a'r Gymraeg   

Er mwyn i ni allu darparu plismona rhagorol i bawb, mae angen pobl o bob cefndir arnom ni, gydag amrywiaeth eang o brofiadau proffesiynol a phrofiadau bywyd, er mwyn i ni allu cynrychioli ein cymunedau go iawn. 

Mae Heddlu Gwent yn darparu rhaglen gymorth gweithredu cadarnhaol i grwpiau a dangynrychiolir. I gael mwy o wybodaeth anfonwch e-bost at Brian a Clare: mailto:positive.action@gwent.police.uk neu ewch i'n tudalen gweithredu cadarnhaol yma: Gweithredu Cadarnhaol | Heddlu Gwent. 

Rydym yn falch i fod yn wasanaeth heddlu sy'n siarad Cymraeg ac rydym yn croesawu ceisiadau gan ymgeiswyr gyda sgiliau Cymraeg.  

Cyflogwr Hyderus o ran Anabledd  

Rydym yn cael ein cydnabod fel cyflogwr hyderus o ran anabledd. Ein nod yw recriwtio a chadw pobl anabl, a phobl â chyflyrau iechyd, er mwyn eu sgiliau a'u talent. Gallwch ddangos ar eich ffurflen gais a oes angen unrhyw gymorth neu addasiadau arnoch i'ch galluogi i wneud y swydd, neu i'ch cynorthwyo gyda'ch cais.