Cyfreithiwr Ymgyfreitha

Mae cyfle cyffrous wedi codi i ymuno â ni fel Cyfreithiwr Ymgyfreitha i ddarparu gwasanaethau cyfreithiol cynhwysfawr i brif gwnstabliaid, comisiynwyr yr heddlu a throsedd, swyddogion a staff Heddlu Gwent a Heddlu De Cymru. Os ydych chi’n credu bod gennych chi’r sgiliau i wneud y swydd hon, cliciwch ar y ddolen isod i weld y disgrifiad swydd.

I gael rhagor o wybodaeth neu sgwrs anffurfiol, cysylltwch â leighton.hill@south-wales.police.uk.

Cyfeiriwch at y disgrifiad swydd a dangoswch dystiolaeth ym mhob un o’r adrannau sy’n nodi ‘ffurflen gais’ a’r cyfrif geiriau ar gyfer pob adran.

Disgwylir i ddeiliad y swydd weithio ym Mhencadlys Heddlu Gwent yng Nghwmbrân a Phencadlys Heddlu De Cymru ym Mhen-y-bont ar Ogwr.

Cyfeiriwch at y disgrifiad swydd a maes tystiolaeth Manyleb y Person sy'n nodi ffurflen gais a'r uchafswm geiriau ar gyfer pob adran.

Nodwch deitl y maes rydych yn dangos tystiolaeth ar ei gyfer a rhowch y dystiolaeth yn y blwch canlynol. I ychwanegu'r maes nesaf, dewiswch enghraifft arall ar gyfer pob maes gofynnol fel y nodir ym Manyleb y Person.

Cyfeiriwch at y canllaw i ymgeiswyr ar y wefan hefyd, sy'n rhoi mwy o fanylion ar sut i lunio eich ymateb.

Y buddion rydym yn eu cynnig  

Yma yn Heddlu Gwent, rydym yn gwerthfawrogi ein gweithwyr, ac rydym yn rhoi digonedd o gefnogaeth a hyfforddiant i sicrhau eich bod yn rhagori yn eich swydd. Rydym hefyd yn cynnig buddion fel y rhai canlynol:

• Hawl i wyliau blynyddol hael sy’n codi i naill ai 27 neu 30 diwrnod yn dibynnu ar raddfa, yn ogystal ag wyth gŵyl banc
• Rhaglen Cymorth i Weithwyr ac amrywiaeth o raglenni cefnogi lles
• Mynediad am ddim i gampfeydd yn ein safleoedd
• Gostyngiadau gan nifer o fanwerthwyr trwy’r cynllun Blue Light a Cherdyn Vectis
• Cynllun Beicio i’r Gwaith
• Gweithio Hybrid/Ystwyth (yn dibynnu ar y swydd)
• Cyfleoedd i weithio’n hyblyg
• Cynllun pensiwn Llywodraeth Leol
• Amrywiaeth o rwydweithiau cefnogi     
• Hawl i wyliau mamolaeth/tadolaeth a mabwysiadu hael    
• Darpariaethau tâl salwch hael   
• Opsiwn i ymaelodi ag UNSAIN, yr undeb gwasanaethau cyhoeddus

Nid yw swyddogion heddlu sy’n gwasanaethu yn gymwys i ymgeisio ar gyfer swyddi gwag mewnol staff yr heddlu

Er mwyn i ni allu darparu gwasanaeth plismona rhagorol i bawb, mae angen pobl o bob cefndir arnom ni, gydag amrywiaeth o brofiadau proffesiynol a phrofiadau bywyd, fel ein bod yn cynrychioli ein cymunedau go iawn.

Mae gan Heddlu Gwent raglen gymorth gweithredu cadarnhaol i grwpiau heb gynrychiolaeth ddigonol. I gael mwy o wybodaeth e-bostiwch Brian, Clare a Rima: positive.action@gwent.police.uk neu ewch i’n tudalen gweithredu cadarnhaol yma: Gweithredu Cadarnhaol | Heddlu Gwent

Rydym yn falch i fod yn wasanaeth plismona sy’n siarad Cymraeg ac yn croesawu ceisiadau gan ymgeiswyr â sgiliau Cymraeg.

Hefyd SWYDDOGION MEWNOL, byddwch yn ymwybodol bod angen i chi fod wedi cwblhau eich cyfnod prawf cyn y gallwch ymgeisio am swyddi eraill.