Swyddogion Cefnogi Ymchwiliadau - Canolfan Ymchwiliadau

Swyddogion heddlu sydd wedi gwasanaethu o'r blaen (Swyddogion Cymorth Ymchwilio – Y Ganolfan Ymchwilio)

Mae Heddlu Gwent yn chwilio am geisiadau gan swyddogion heddlu sydd wedi gwasanaethu o'r blaen a staff heddlu gyda phrofiad o ymchwilio.  Nid yw'r swydd yn gyfyngedig i gyn-dditectifs. Gall unrhyw gyn-swyddog gyda meddwl ymchwiliol ymgeisio. Rhaid i chi fod yn gymwys at naill ai PIP 1 neu PIP 2 i ymgeisio.

Cynigir contractau tymor penodol 12 mis staff heddlu i swyddogion cymorth ymchwilio i gynorthwyo Canolfan Ymchwilio’r Heddlu, sy’n gyfrifol am drosglwyddo Carcharorion ac Ymchwiliadau i Droseddau.

Byddwch yn darparu cymorth mewn gwahanol ymchwiliadau a bydd gofyn i chi weithio yn rhan o dîm ymchwiliad yn casglu, adolygu a chyflwyno tystiolaeth yn ôl y gofyn, ar gyfer adrannau ac ymchwiliadau penodol.

Mae swyddi ar gael yn ardal Pont-y-pŵl ond byddant yn gwasanaethu ardal gyfan yr heddlu. Gallwn gynnig oriau amser llawn a rhan amser. Gallwn gynnig gwaith sifft hefyd os oes angen.

I wneud cais, bydd gofyn i chi gwblhau eich cais cyflawn a darparu 500 gair am eich profiad ymchwiliol a manylion unrhyw hyfforddiant achrededig. 

I gael sgwrs anffurfiol, cysylltwch â centralrecruitment@gwent.police.uk

Sylwer: Ni fyddwn yn penodi nes y byddwn wedi derbyn cadarnhad o fetio llawn, geirdaon, a phrofion iechyd.

Nodwch deitl y maes rydych yn dangos tystiolaeth ar ei gyfer a rhowch y dystiolaeth yn y blwch canlynol. I ychwanegu'r maes nesaf, dewiswch enghraifft arall ar gyfer pob maes gofynnol fel y nodir ym Manyleb y Person.

Cyfeiriwch at y canllaw i ymgeiswyr ar y wefan hefyd, sy'n rhoi mwy o fanylion ar sut i lunio eich ymateb.

Y buddion rydym yn eu cynnig  

Yma yn Heddlu Gwent, rydym yn gwerthfawrogi ein gweithwyr, ac rydym yn rhoi digonedd o gefnogaeth a hyfforddiant i sicrhau eich bod yn rhagori yn eich swydd. Rydym hefyd yn cynnig buddion fel y rhai canlynol:

• Hawl i wyliau blynyddol hael sy’n codi i naill ai 27 neu 30 diwrnod yn dibynnu ar raddfa, yn ogystal ag wyth gŵyl banc
• Rhaglen Cymorth i Weithwyr ac amrywiaeth o raglenni cefnogi lles
• Mynediad am ddim i gampfeydd yn ein safleoedd
• Gostyngiadau gan nifer o fanwerthwyr trwy’r cynllun Blue Light a Cherdyn Vectis
• Cynllun Beicio i’r Gwaith
• Gweithio Hybrid/Ystwyth (yn dibynnu ar y swydd)
• Cyfleoedd i weithio’n hyblyg
• Cynllun pensiwn Llywodraeth Leol
• Amrywiaeth o rwydweithiau cefnogi     
• Hawl i wyliau mamolaeth/tadolaeth a mabwysiadu hael    
• Darpariaethau tâl salwch hael   
• Opsiwn i ymaelodi ag UNSAIN, yr undeb gwasanaethau cyhoeddus

 Er mwyn i ni allu darparu gwasanaeth plismona rhagorol i bawb, mae angen pobl o bob cefndir arnom ni, gydag amrywiaeth o brofiadau proffesiynol a phrofiadau bywyd, fel ein bod yn cynrychioli ein cymunedau go iawn.

Mae gan Heddlu Gwent raglen gymorth gweithredu cadarnhaol i grwpiau heb gynrychiolaeth ddigonol. I gael mwy o wybodaeth e-bostiwch Brian, Clare a Rima: positive.action@gwent.police.uk neu ewch i’n tudalen gweithredu cadarnhaol yma: Gweithredu Cadarnhaol | Heddlu Gwent

Rydym yn falch i fod yn wasanaeth plismona sy’n siarad Cymraeg ac rydym yn croesawu ceisiadau gan ymgeiswyr â sgiliau Cymraeg.