Digwyddiad - Menywod mewn Plismona - Ionawr 2026

Ydych chi erioed wedi cael eich ysbrydoli i ymuno â’r maes plismona ond ddim yn siŵr os yw’n addas ar eich cyfer chi?
Ydych chi eisiau gwybod mwy am sut mae Heddlu Gwent yn cefnogi menywod mewn plismona?
Rydyn ni’n cynnal digwyddiad am ddim, anffurfiol, i roi cyfle i chi gwrdd â rhai o’n cwnstabliaid a swyddogion cefnogi cymuned benywaidd, a dysgu mwy am sut y daethon nhw i’r maes plismona.
Cewch glywed gan ein swyddogion benywaidd ar wahanol rengoedd sy’n cyflawni gwahanol rolau, a chewch gyfle i ofyn cwestiynau iddyn nhw am eu swyddi a’u profiad, y broses ymuno, yr hyfforddiant a mwy!
Os ydych chi’n chwilio am yrfa amrywiol, gyffrous, sy’n rhoi boddhad, dyma’r adeg i ddysgu mwy am blismona.
I gadw lle yn ein Digwyddiad Menywod mewn Plismona ar 10 Ionawr 2026 ym Mhencadlys yr Heddlu, Llantarnam, cliciwch y botwm ‘Cofrestru’ ar waelod y dudalen yma.
Mae’r digwyddiad yn dechrau am 10am a disgwylir iddo orffen am hanner dydd.
(Sylwer nad digwyddiad galw heibio yw hwn a bydd y drysau’n cau yn brydlon am 10am er mwyn dechrau ar amser).
Mae llefydd yn gyfyngedig ar gyfer y sesiwn yma felly cofrestrwch yn gynnar! Bydd angen i bawb sy’n bresennol fod wedi cofrestru.
I gael rhagor o wybodaeth am y digwyddiad e-bostiwch y tîm Gweithredu Cadarnhaol (positive.action@gwent.police.uk)
Edrychwn ymlaen at gwrdd â chi!
Os ydych chi eisiau defnyddio’r Gymraeg yn y digwyddiad yma, rhowch wybod i ni erbyn 1 Rhagfyr 2025.