Swyddog Cymorth Cymunedol
19/02/23 13:00
Swyddog Cymorth Cymunedol (MAI 2023)
Ydi gwneud gwahaniaeth yn bwysig i chi yn eich swydd? Os felly, gallai rôl Swyddog Cymorth Cymunedol yr Heddlu (SCC) fod yn ddelfrydol i chi.
Swyddogion Cymorth Cymunedol sy’n darparu’r cyswllt hollbwysig hwnnw rhwng y gymuned a’r gwasanaeth heddlu i helpu i sicrhau bod pawb yn derbyn y cymorth sydd ei angen arnynt. Mae rôl Swyddog Cymorth Cymunedol yn gallu bod yn heriol ond mae hefyd yn rôl sy’n amrywiol, ystyrlon a chyffrous.
Byddwch yn cefnogi plismona rheng flaen trwy gyflawni tasgau fel atal pobl rhag gyrru’n rhy gyflym y tu allan i’n hysgolion, riportio fandaliaeth, neu leihau ymddygiad gwrthgymdeithasol a bydd eich gwaith yn gwneud gwahaniaeth go iawn i gymunedau Gwent.
Mae Swyddogion Cymorth Cymunedol yn gweithredu fel cyswllt allweddol rhwng cymunedau lleol a phlismona. Mae hon yn swydd sy'n ymwneud â'r cyhoedd ac mae'r swyddogion yn bresenoldeb mewn iwnifform sy'n hawdd mynd atynt, sy'n tawelu meddwl, lleddfu sefyllfaoedd lle mae perygl o wrthdaro, gwella hyder ac ymddiriedaeth, casglu gwybodaeth a meithrin perthynas dda gyda'r gymuned.
Gofynion:
- Rhaid i ymgeiswyr fod yn 17 oed pan fyddant yn cyflwyno cais ond RHAID iddynt fod yn 18 oed pan fyddant yn dechrau eu cyflogaeth.
- Rhaid i ymgeiswyr fod o fewn ystod BMI o rhwng 18 - 32, neu fod o fewn yr ystod hon erbyn Ebrill 2023.
- Rhaid i ymgeiswyr allu gwblhau prawf rhedeg (prawf blip) at lefel 5:4.
- Mae angen isafswm o TGAU gradd A-C mewn Mathemateg a Saesneg ar ymgeiswyr neu rhaid iddynt lwyddo yn y profion rhesymu geiriol a rhifiadol ar-lein.
Meini prawf cymhwyso
- Estynnir gwahoddiad i bobl nad oes ganddynt gymhwyster TGAU (gradd A-C) mewn Mathemateg a Saesneg gymryd rhan yn y prawf rhesymu geiriol a rhifiadol yn rhan o’r broses ymgeisio ar-lein.
- Bydd ymgeiswyr nad oes ganddynt gymhwyster lefel 2 yn Saesneg a Mathemateg (A-C neu uwch) ond sydd â chymhwyster Lefel 3 neu uwch yn cael eu hasesu i weld a oes angen iddynt gwblhau’r prawf rhesymu geiriol a rhifiadol ar-lein. Please Ticiwch Oes os oes gennych chi gymhwyster Lefel 3 neu uwch ar y cais dechreuol.
Cyflog a Buddiannau
Gradd 4 - £23,100 - £25,353
Cyflog posibl o £26,000 i £29,000 gan gynnwys lwfans sifft a mwy o gyflog am weithio ar benwythnos.
Telir lwfans sifftiau o naill ai 12.5% neu 14% yn ddibynnol ar leoliad ac union oriau gweithio. Telir amser a hanner am weithio ar ddydd Sadwrn a dydd Sul.
Oriau gwaith yw 8am tan 12pm ar batrwm sifftiau dros saith diwrnod yr wythnos.
Er gwybodaeth
Sylwer: os byddwch yn llwyddiannus yn yr asesiadau ar-lein, bydd gofyn i chi fod ar gael ar y dyddiadau canlynol:
Cyfweliadau: | W/d 20 Chwefror 2023 |
Gwiriadau cyn cyflogaeth: Profion Cyffuriau/Biometrig |
21 NEU 22 Mawrth 2023 |
Prawf Ffitrwydd | 31 Mawrth 2023 |
Gwiriadau Iechyd (Nifer o ddyddiadau ar gael) | 6 Mawrth 2023 – 10 Mawrth 2023 |
Bydd y garfan hon o Swyddogion Cymorth Cymunedol yn dechrau ar 15 Mai 2023.
Rydym yn croesawu ceisiadau gan grwpiau amrywiol neu leiafrifol nad ydynt yn cael eu cynrychioli’n ddigonol yn yr heddlu. I ddysgu mwy, cysylltwch â Positive.Action@gwent.police.uk
Ni ellir gwneud cais am y cyfle hwn.