Archwilydd Cerbydau Fforensig Yr Heddlu

Archwilydd Cerbydau Fforensig Yr Heddlu

Mae hwn yn gyfle gwerth chweil i ymuno â Heddlu Gogledd Cymru.  Rydym yn recriwtio ar gyfer swydd barhaol o fewn ein sefydliad a byddwn yn cefnogi eich llwyddiant yn y gweithle.

Diben y Rôl:

• Darparu archwiliad arbenigol ac adroddiadau technegol llawn ar unrhyw fath o gerbyd ar gyfer Heddlu Gogledd Cymru; heddluoedd eraill ac unrhyw asiantaethau eraill yn ôl y cyfarwyddyd. Rhoi barn  a thystiolaeth arbenigol a sicrhau bod yr heddlu'n bodloni'r meini prawf a osodwyd yn y Cod Rheoleiddiwr Gwyddoniaeth Fforensig (Mawrth 2023 f1)
• Cynorthwyo'r Heddlu hefo gwasanaeth archwilio cerbydau arbenigol hefo'r nod o gynorthwyo sicrhau amgylchfyd lle gall yr unigolyn ddefnyddio'r ffyrdd yn hyderus, heb ddioddef marwolaeth, anaf, difrod, ofn neu wrthdaro.

Mae'r swydd yn galw am ymgeiswyr sy'n gallu dangos Sgiliau yn y meysydd canlynol (gyda thystiolaeth):

• Wedi addysgu at Lefel 4 City & Guilds, uwch dechnegydd cerbyd, neu BTEC; HND/HNC a/neu gymhwyster perthnasol cyfatebol a/neu brofiad perthnasol profedig, i brofi gwybodaeth ddamcaniaethol ac ymarferol gynhwysfawr am dechnoleg cerbydau modur a/neu beirianneg, gyda chofnod gwaith perthnasol a brofwyd. Meddu gwybodaeth ymarferol wych o dechnegau modern, offer a chynnyrch.
• Bod â gallu profedig wrth baratoi adroddiadau technegol, hefo profiad o gwestiynu a dehongli gwybodaeth er mwyn cyfleu egwyddorion technegol trwy asesiad os bydd angen, hefo sgiliau cyfathrebu llafar ac ysgrifenedig rhagorol yn gymesur â'r rôl.
• Bod a thrwydded gyrru cerbyd llawn gyfredol. Mae'n ddymunol hefyd bod â thrwydded gyrru beic modur. Bydd disgwyl i ymgeiswyr gael, gyda hyfforddiant os oes angen, eu trwydded yrru LGV [C + E] a PCV [D + E] ac felly rhaid gallu pasio'r asesiad meddygol annibynnol angenrheidiol fel y manylir yn y cyngor a geir o fewn Adroddiad arholiad ar gyfer trwydded grŵp 2 [lori neu fws] D4. [Am fwy o wybodaeth ewch ar: www.gov.uk/asylum-support
• Dealltwriaeth o sut i ddefnyddio cyfrifiaduron a gwybodaeth ymarferol o raglenni Microsoft Office.
• Bod yn aelod llawn o Sefydliad yr Archwilwyr Damweiniau Traffig, o fewn 3 blynedd i'ch penodiad.
• Dod yn aelod o Sefydliad y Diwydiant Modurol (MIMI), Sefydliad Peirianwyr Trafnidiaeth y Ffordd (MIRE); Cymdeithas Siartredig y Gwyddorau Fforensig a chymdeithasu peiriannol proffesiynol fel bo'r angen.
• Ymrwymo ymgymryd â Datblygiad Proffesiynol Parhaus sylfaenol yn ôl astudiaeth weithle a phreifat. Gwneir hyn er mwyn cydymffurfio â'r Cod Rheoleiddwyr Gwyddorau Fforensig neu ofynion adrannol tebyg sy'n deillio o newidiadau i reoleiddio neu safonau.
• Bydd deiliad y swydd yn cytuno i dderbyn hyfforddiant lleol sylweddol ond hefyd yn barod i fynychu cyrsiau hyfforddiant preswyl i ffwrdd o'r ardal ac i ymrwymo am 5 mlynedd oherwydd y buddsoddiad mewn datblygiad a hyfforddiant.
• Cytuno i ymgymryd â sgrinio lles gorfodol oherwydd natur amhleserus a thrallodus rhai digwyddiadau yr ymchwilir iddynt.
• Bod ag agwedd hyblyg tuag at weithio ar benwythnosau a gyda'r nos pan fo galw arnynt i wneud hynny yn mynychu digwyddiadau/cynnal arholiadau yn ôl y gofyn. Gellir galw ar ddeiliad y swydd i fynychu digwyddiadau ac i gynnal archwiliadau ym mhob rhan o Ardal yr Heddlu ar wahân i'w lleoliad gwaith arferol, yn unol â chyfarwyddyd yr uwch archwiliwr gwrthdrawiadau/rheolwr yr uned.

Ymgyfarwyddwch â'r Proffil Post a Gwybodaeth Recriwtio Staff yr Heddlu cyn i chi wneud cais gan fod gan hyn wybodaeth i'ch helpu gyda'ch cais.