28/03/25 09:00
FCIN – ARBENIGWR TECHNEGOL GWYDDONIAETH
Nod y Rhwydwaith Ymchwilio i Wrthdrawiadau Fforensig (FCIN) yw denu, datblygu a chadw pobl dalentog gyda'r sgiliau a'r galluoedd cywir i gwrdd â'r heriau presennol ac yn y dyfodol sy'n ein gwynebu.
Mae ein pobl yn hanfodol i sicrhau tegwch, didueddrwydd a hyder mewn ymchwilio i wrthdrawiadau.
Gan weithio mewn partneriaeth â heddluoedd ledled Cymru a Lloegr, bydd yr FCIN yn gwella ansawdd ac amseroldeb ymchwiliadau gwrthdrawiadau a'r canlyniadau cyfiawnder troseddol i bawb sy'n gysylltiedig. Mae'r rhwydwaith yn sicrhau y gall Ymchwilwyr Gwrthdrawiadau Fforensig ddibynnu ar eu hymchwiliadau a'u gwerthusiadau gyda didueddrwydd, cywirdeb gwyddonol a hyder, tra hefyd yn bodloni'r gofynion statudol newydd ar gyfer darparu tystiolaeth mewn achosion critigol.
Rydym yn dîm cenedlaethol o arbenigwyr sy'n gweithio i ddarparu dull gweithredu teg, cyson a pharhaus dan arweiniad rhwydwaith at wasanaethau gwyddonol ar gyfer Ymchwilio i Wrthdrawiadau Fforensig.
Mae'r FCIN yn gydweithrediad ffurfiol a gynhelir gan Heddlu Gogledd Cymru, sy'n anelu at weithio gyda holl heddluoedd Cymru a Lloegr i wella safonau ansawdd, yn ogystal â lleihau cost gyffredinol datblygu ac achredu gwyddoniaeth.
Y rôl hon yw:
Fel Llu Cynnal yr FCIN, mae Heddlu Gogledd Cymru yn chwilio am ymarferydd eithriadol i ymuno â'n Tîm Gwyddoniaeth fel Arbenigwr Technegol Gwyddoniaeth.
Mae'r rôl yn cynnwys datblygu a chyflwyno'r agweddau gwyddor gwrthdrawiadau i'r rhwydwaith; drwy gynllunio a chyflwyno agweddau technegol ar brosiectau rhaglenni dilysu a gwyddoniaeth dulliau.
Darperir hyfforddiant ym meysydd Dilysu Dulliau, Ansicrwydd Mesur a gweithgareddau technegol perthnasol.
Cofiwch ymgyfarwyddo â'r Proffil Swydd a'r Canllaw Recriwtio cyn i chi wneud cais gan fod hwn yn cynnwys gwybodaeth i'ch helpu gyda'ch cais.
Ni ellir gwneud cais am y cyfle hwn.
