Swyddog Cudd-wybodaeth Leol

Swyddog Cudd-wybodaeth Leol

WRTHI'N RECRIWTIO: Swyddog Cudd-wybodaeth Leol – Heddlu De Cymru

Hoffech chi gael gyrfa heb ei hail? Os felly... Ymunwch â Ni

Mae Heddlu De Cymru yn dod â miloedd o bobl ynghyd sydd â'r un nod – cadw De Cymru'n ddiogel.

Rydym am sicrhau mai ni yw'r gorau am ddeall ac ymateb i anghenion ein cymunedau. Er mwyn gwneud hyn, mae angen i'r ymgeiswyr gorau o amrywiaeth eang o gefndiroedd wneud cais i ymuno â'n teulu plismona.

Oes gennych chi lygad craff, angerdd dros waith cudd-wybodaeth, ac ysfa i helpu i ddiogelu ein cymunedau?

Mae Heddlu De Cymru yn edrych am Swyddog Cudd-wybodaeth rhagweithiol a brwdfrydig i ymuno â'n tîm penodol. Yn y rôl hanfodol hon, byddwch wrth wraidd casglu a dadansoddi cudd-wybodaeth - yn cefnogi ymchwiliadau troseddol, nodi unigolion dan amheuaeth, a helpu i fynd i'r afael â Throseddolrwydd Difrifol a Chyfundrefnol a chynorthwyo i leihau trosedd ac anhrefn ledled De Cymru.

Cyfrifoldebau Allweddol:

• Derbyn, gwerthuso a datblygu cudd-wybodaeth o amrywiaeth o ffynonellau.
• Cefnogi plismona gweithredol trwy baratoi pecynnau a briffiau cudd-wybodaeth.
• Cynnal ymchwil ffynhonnell agored a system yr heddlu i gefnogi ymchwiliadau.
• Cyflwyno darganfyddiadau cudd-wybodaeth i dimau mewnol a phartneriaid allanol.
• Cefnogi digwyddiadau byw ac ymchwiliadau mawr gyda chudd-wybodaeth amser real.

Beth Fydd ei Angen Arnoch:

• Sgiliau TGCh cryf a hyder yn defnyddio rhaglenni Microsoft.
• Cyfathrebu llafar ac ysgrifenedig ardderchog.
• Profiad o ymchwilio neu gefndir dadansoddol tebyg y gellir ei arddangos.
• Dealltwriaeth fanwl o faterion troseddol lleol a rhanbarthol.
• Safonau uchel o ran uniondeb, disgresiwn a phroffesiynoldeb.

Dymunol:

• Cymraeg Iaith Lefel 2.
• Cefndir mewn ymchwiliadau troseddol.
• Profiad yn delio â gwybodaeth sensitif yn unol â'r ddeddfwriaeth rheoli data a Rheoli Gwybodaeth yr Heddlu.

Yr Hyn Rydym yn Chwilio Amdano:

Byddwch yn rhywun sy'n:

• Llwyddo dan bwysau ac yn aros yn bwyllog mewn amgylchiadau prysur.
• Cyfathrebu'n effeithiol gyda phobl ar bob lefel.
• Gweithio ar y cyd ond hefyd yn cymryd perchnogaeth dros dasgau.
• Ymrwymedig i ddarparu safon uchel o wasanaeth cyhoeddus.

Pam ymuno â Heddlu De Cymru?

Byddwch yn rhan o sefydliad blaengar sy'n gwerthfawrogi arloesi, cymuned a phroffesiynoldeb. Mae hwn yn gyfle unigryw i gefnogi ein nod i gadw De Cymru'n ddiogel yn uniongyrchol.

Yn barod i chwarae rhan hanfodol mewn cudd-wybodaeth plismona?
Gwnewch gais nawr a byddwch yn rhan o rywbeth mwy.

Ai dyma'r tro cyntaf i chi wneud cais am rôl gyda Heddlu De Cymru? Gwnewch yn siŵr eich bod yn darllen ein canllawiau ar wneud cais er mwyn cael cynghorion ac awgrymiadau defnyddiol ynglŷn â'r ffurflen gais a'r hyn i'w ddisgwyl, Canllawiau ar ymgeisio ar gyfer staff yr heddlu | Heddlu De Cymru.  Noder, rhaid i'r ymgeisydd llwyddiannus fod yn barod i ymgymryd â phroses fetio hyd at y lefel ofynnol.