Arbenigwr Rhwydweithiau TGCh – Craidd

Arbenigwr Rhwydweithiau TGCh – Craidd

Lleoliad: Pencadlys Heddlu De Cymru, Pen-y-bont ar Ogwr, Cymru

Parhaol

Cyflog £50,949 - £54,696

• Ydych chi'n chwilio am y cam nesaf yn eich gyrfa?
• Ydych chi am fod yn rhan o Sefydliad Arloesol?

Amdanom Ni: Heddlu De Cymru yw'r heddlu mwyaf yng Nghymru, yn gwasanaethu poblogaeth o tua 1.3 miliwn o bobl ar draws ardal o 2,117 milltir sgwâr. Rydym yn ymrwymedig i gadw ein cymunedau'n ddiogel, ac rydym yn dibynnu ar dechnoleg arloesol i gefnogi ein gweithrediadau. Yn ddiweddar rydym wedi buddsoddi'n fawr yn ein hadran TGCh â phrosiectau a chyfleoedd newydd cyffrous wedi'u hariannu gan fuddsoddiad sylweddol. Rydym yn mynd drwy gyfnod o dwf sylweddol a newid technolegol, felly does dim cyfle gwell na hyn wedi bod erioed i ymuno!

Y rôl

Bydd yr Arbenigwr Rhwydweithiau TGCh – Craidd yn helpu i ddatblygu seilwaith rhwydwaith Heddlu De Cymru, ei roi ar waith a'i gynnal a'i gadw. Mae rôl yr Arbenigwr Rhwydweithiau yn cynnwys rhoi cysyniadau ar waith er mwyn sicrhau y caiff cysylltedd dibynadwy a diogel iawn (LAN, WAN, WLAN), VPNs, a gwasanaethau 'argaeledd dibynadwy' eu darparu.

Diben:  

• Sicrhau bod seilwaith rhwydwaith Heddlu De Cymru yn gadarn ac yn effeithlon ac y caiff ei gynnal a'i gadw'n ofalus er mwyn sicrhau parhad busnes di-dor yn ein sefydliad sy'n gweithredu ddydd a nos, saith diwrnod yr wythnos.
• Rhoi cadernid i'r Arbenigwyr Rhwydweithiau Llais ac Adeiledd drwy gynnig yr adnoddau technegol sydd eu hangen i gefnogi gweithrediadau o ddydd i ddydd yn ogystal â gweithgarwch a arweinir gan brosiectau.
• Sicrhau y gellir datblygu seilwaith rhwydwaith Heddlu De Cymru mewn ymateb i ofynion technegol y sefydliad sy'n newid drwy'r amser.

Cyfrifoldebau:

• Arwain, cefnogi a chymell tîm o arbenigwyr technegol.
• Rheoli saernïaeth rhwydwaith ein canolfannau data mewnol a'i chynnal a'i chadw.
• Cymryd perchnogaeth o'r gwaith o ddatblygu a chynnal a chadw ein platfform cyfnewid a llwybro (Cisco) a sicrhau ei fod yn ddibynadwy.
• Sicrhau bod ein clystyrau a'n gwasanaethau 'Argaeledd dibynadwy' yn ddibynadwy.
• Rheoli perfformiad protocolau llwybro pwysig megis rhwydweithiau VLAN, VRF, waliau tân aml-gyd-destun Cisco a thechnolegau cydbwyso llwythi

• Cynllunio a modelu capasiti rhwydwaith yn drylwyr ar draws technolegau rhwydweithiau LAN / WLAN / WAN / Wi-Fi / MPLS / SDWAN a Chanolfannau Data / Cwmwl.

Gofynion:

• Rhaid meddu ar unrhyw un o'r canlynol:
  • Gradd baglor mewn pwnc sy'n gysylltiedig â TGCh
  • Cymhwyster sy'n gysylltiedig â TGCh
  • Sgiliau neu brofiad cyfatebol amlwg ym maes rhwydweithio
• Rhaid meddu ar brofiad o ddylunio, gosod a rheoli seilwaith rhwydwaith ar y safle ac yn y cwmwl gan gynnwys cyfnewid a llwybro haen 2 a 3.
• Rhaid meddu ar brofiad o reoli caledwedd a meddalwedd diogelwch rhwydwaith, gan gynnwys waliau tân a systemau darganfod tresmasu ar rwydwaith.
• Rhaid dangos dealltwriaeth fanwl o saernïaethau rhwydweithiau canolfannau data, strategaethau adfer TGCh ar ôl trychineb, a thechnolegau rhwydweithio LAN / WLAN / WAN / Wi-Fi / MPLS / SDWAN.
• Rhaid meddu ar brofiad amlwg o reoli tîm o arbenigwyr technegol.

Ble byddwch wedi'ch lleoli:

• Mae'r Arbenigwr Rhwydweithiau TGCh – Craidd yn rhan o'r adran Darpariaeth Dechnegol ac mae'n gyfrifol am y canlynol:

• Saernïaeth a Dyluniad Rhwydwaith TGCh
• Darpariaeth a Gwasanaethau Cwmwl Rhwydweithiau TGCh
• Rhyng-gysylltedd Canolfannau Data TGCh
• Protocol Cyfathrebu a Llwybro TGCh
• TGCh Gwifrog a Diwifr
• Platfformau, Systemau a Meddalwedd TGCh
• Protocol Rhwydweithiau a Llais TGCh
• Rheoli Gweithrediadau TGCh
• Rheoli Seiberddiogelwch TGCh

Mae'r buddiannau yn cynnwys:

• Cyfleoedd hyfforddi a datblygu proffesiynol
• Cynllun Pensiwn Llywodraeth Leol
• 24 diwrnod o Wyliau Blynyddol yn cynyddu i 29 diwrnod ar ôl 5 mlynedd o gyflogaeth
• Gweithio hyblyg yn dibynnu ar ddyletswyddau
• Parcio am ddim ar y safle
• Canolfan ffitrwydd a ffreutur ar y safle
• Amgylchedd gwaith cydweithredol a chefnogol.
• Cynllun beicio i'r gwaith
• Rhaglenni lles
• Cerdyn Diolch Vectis HDC a Cherdyn Gostyngiadau Golau Glas
• Cyfle i wneud cyfraniad ystyrlon i ddiogelwch y cyhoedd a llesiant y gymuned.

Amrywiaeth, Cydraddoldeb a Chynhwysiant

Fel Heddlu, rydym wedi ymrwymo i ddatblygu strwythur cyffredinol cydraddoldeb, amrywiaeth a chynhwysiant ym mhob rhan o Heddlu De Cymru: yn ein gweithlu ac yn y gwasanaethau a ddarparwn.

Mae Heddlu De Cymru yn gyflogwr cyfle cyfartal ac yn benderfynol o ddenu, cyflogi a chefnogi gweithlu sy'n cynrychioli'r gymdeithas amrywiol a wasanaethir ganddo.

Rydym wedi ymrwymo i sicrhau amgylchedd gwaith lle nad oes achosion o aflonyddu, bygwth, bwlio nac erlid.

Croesewir ceisiadau gan grwpiau heb gynrychiolaeth ddigonol a bydd cymorth ar gael i bob ymgeisydd ar gais. 

Mae'n rhaid i'r ymgeisydd llwyddiannus fod yn fodlon cael ei fetio hyd at Lefel MV/SC 

Sylwch, os ydych yn ymgeisydd mewnol ac yn destun ymchwiliad parhaus i PSD, efallai y bydd oedi cyn i'ch penodiad neu leoliad yn y rôl gael ei ohirio hyd nes y bydd canlyniad. Bydd p'un a yw'r rôl yn agored yn cael ei hystyried fesul achos

I gael rhagor o wybodaeth am y rôl, cysylltwch â Ben.Lawless@south-wales.police.uk

Noder: O ganlyniad i natur sensitif y gwaith a gyflawnir gan Heddlu De Cymru, bydd pob ymgeisydd yn ymgymryd â gwiriad cefndir cynhwysfawr fel rhan o'r broses recriwtio.