Cynorthwyydd Sicrwydd Eiddo

Hoffech chi gael gyrfa heb ei hail? Os felly... Ymunwch â Ni

Mae Heddlu De Cymru yn dod â miloedd o bobl ynghyd sydd â'r un nod – cadw De Cymru yn ddiogel.

Rydym am sicrhau mai ni yw'r gorau am ddeall ac ymateb i anghenion ein cymunedau. Er mwyn gwneud hyn, mae angen i'r ymgeiswyr gorau o amrywiaeth eang o gefndiroedd wneud cais i ymuno â'n teulu plismona.

Rydym yn chwilio am rywun i #YmunoÂNi fel Cynorthwyydd Sicrwydd Eiddo yn llawn amser yn Nhîm Sicrwydd Eiddo yn Gwasanaethau Cyfiawnder a leolir yn Nhŷ Thomas, Bracla, Pen-y-bont ar Ogwr. Ai chi yw'r un rydym yn chwilio amdano?

Y tîm/Adran y byddwch yn ymuno ag ef/hi:

• Mae'r Gwasanaethau Cyfiawnder yn adran eang o fewn Heddlu De Cymru, ac mae'r Tîm Sicrwydd Eiddo yn canolbwyntio ar archwilio'r eiddo tystiolaethol a atafaelwyd yn ystod ymchwiliadau a sicrhau ei fod yn cael ei reoli'n gywir.
• Rydym yn dîm bach ond dynamig wedi ein lleoli yn Nhŷ Thomas, Bracla, ger Pen-y-bont ar Ogwr. Bydd angen teithio ledled De Cymru yn ddibynnol ar ofynion y busnes.
• Rydym yn gweithio o ddydd Llun i ddydd Gwener, gan weithio'n hyblyg o amgylch yr oriau craidd o 8am – 4pm.

Y rôl a'ch prif gyfrifoldebau:

• Archwilio eiddo tystiolaethol a ddelir gan HDC, diweddaru systemau'r heddlu a cheisio canfod cyfleoedd i wella a datblygu polisïau a gweithdrefnau HDC. Cysylltu â swyddogion a staff mewn perthynas â materion sy'n ymwneud ag eiddo tystiolaethol.
• Helpu i gyflwyno systemau a phrosesau newydd y cytunwyd arnynt fel rhan o waith i ddiweddaru/gwella prosesau.
• Cysylltu ag aelodau staff sy'n rhan o'r gwaith o ddydd i ddydd o reoli storfeydd eiddo wedi'u lleoli ledled ystâd HDC, yn ogystal â'r swyddogion a'r staff sy'n defnyddio'r storfeydd hyn.

 Pa sgiliau a phrofiad y mae angen i chi eu cynnig i'r rôl:

• Rhaid meddu ar sgiliau cyfathrebu ysgrifenedig ac ar lafar rhagorol.
• Rydym yn chwilio am rywun sy'n ddelfrydol â phrofiad blaenorol o waith archwilio a gwaith gweinyddol, gyda hanes profedig o ddefnyddio ei fenter ei hun, a'r gallu i ddatrys problemau.
• Rydym yn chwilio am rywun a fydd yn rhoi sylw i fanylder ac sy'n hyddysg mewn cyfrifiadura a rhaglenni Microsoft.

Mae sawl mantais i weithio i Heddlu De Cymru, o gyfleoedd dysgu a datblygu i gynlluniau y bwriedir iddynt wella eich ffordd o fyw a'ch llesiant, yn ogystal â Chynllun Pensiwn Llywodraeth Leol/Cynlluniau Pensiwn yr Heddlu sy'n hael iawn, gwyliau blynyddol â thâl, gweithio hyblyg a pholisïau sy'n ystyriol o deuluoedd a llawer mwy, cliciwch yma i gael rhagor o wybodaeth.

Os hoffech gael rhagor o wybodaeth am y rôl, cysylltwch â Frances Williams, ein Rheolwr Sicrwydd Eiddo, ar 07811 471826 neu â Lindsey Morgan ar 07773 132803.

Mae'n rhaid i'r ymgeisydd llwyddiannus fod yn fodlon cael ei fetio hyd at Lefel RV 

Sylwch, os ydych yn ymgeisydd mewnol ac yn destun ymchwiliad parhaus i PSD, efallai y bydd oedi cyn i'ch penodiad neu leoliad yn y rôl gael ei ohirio hyd nes y bydd canlyniad. Bydd p'un a yw'r rôl yn agored yn cael ei hystyried fesul achos 

Eich tro cyntaf yn gwneud cais am rôl gyda Heddlu De Cymru? Gwnewch yn siŵr eich bod yn darllen ein canllawiau ar wneud cais er mwyn cael cynghorion ac awgrymiadau defnyddiol ynglŷn â'r ffurflen gais a'r hyn i'w ddisgwyl, cliciwch yma i gael rhagor o wybodaeth. Noder, rhaid i'r ymgeisydd llwyddiannus fod yn barod i ymgymryd â phroses fetio hyd at y lefel ofynnol.