Swyddog Rheoli Data/Mynegeiwr

Mynegeiwyr/Swyddogion Rheoli Data

Yr Heddlu:                       Heddlu De Cymru

 Math o Rôl:                     Staff yr Heddlu

 Maes Busnes:                 Uned Rheoli Data Genedlaethol

 Lleoliad:                          Pen-y-bont ar Ogwr

 Graddfa:                          SC5/6

Cyflog:                             £27,789.00 to £32,772.00ac 20% lwfans sifft

Llawn Amser/Rhan Amser:                  Llawn Amser (addas ar gyfer Rhannu Swydd)

Oriau Gwaith:37 (addas ar gyfer Rhannu Swydd)

Math o Gontract:             Parhaol

Lefel ofynnol y gallu yn y Gymraeg:     Lefel 2

Disgrifiad o'r Hysbysed Swydd:

Mae Heddlu De Cymru yn awyddus i recriwtio nifer o Fynegeiwyr/Swyddogion Rheoli Data i weithio yn ein Huned Rheoli Data Genedlaethol arloesol a dynamig.

Byddwch yn ffurfio rhan o dîm Mynegeiwr Rheoli Data, gan ddarparu gwasanaeth effeithlon, hyddysg ac effeithiol sy'n ymwneud â holl agweddau Gweinyddu ac Ymchwilio Rheoli Data.  Byddwch yn gweithio ar draws sawl cronfa ddata, ymchwilio a chroes gyfeirio cudd-wybodaeth drwy gronfeydd data sicr a bydd disgwyl adnabod llinellau ymholi allweddol, a chodi'r wybodaeth hon yn ôl yr angen. 

Mae hon yn swydd heriol lle mae angen unigolion unigryw a all weithio o dan bwysau, blaenoriaethu llwythi gwaith a bod yn flaengar. Yn gyfnewid am hyn, bydd gennych swydd a fydd yn cynnig llawer o foddhad lle byddwch yn gwneud cyfraniad sylweddol at ddiogelu cymunedau De Cymru, a thrwy'r Deyrnas Unedig gyfan.

Bydd deiliaid y swydd yn gweithio rota sifft o ddydd Llun i ddydd Gwener. Yn unol â'r patrwm sifft hwn byddwch yn derbyn 20% lwfans sifft.

Mae'r swydd hon yn addas ar gyfer rhannu swydd.

Mae'n hanfodol bod yr ymgeiswyr yn barod i gwblhau'r cliriad diogelwch ehangach a'r broses fetio ddatblygedig yn llwyddiannus. Bydd hefyd angen i ddeiliaid y swydd gwblhau proses sefydlu diogelwch ychwanegol yn llwyddiannus. Mae rhan ohoni'n gofyn am wiriadau cenedligrwydd a chysylltiadau tramor cyn sgrinio.

Bydd hefyd yn ofynnol eich bod wedi byw yn y DU am o leiaf 10 mlynedd er mwyn bod yn addas ar gyfer y lefel o fetio sy'n ofynnol.

Noder, os ydych yn destun ymchwiliad PSD parhaus, efallai y bydd eich apwyntiad neu leoliad yn y rôl yn cael eu gohirio wrth aros am ganlyniad. Bydd p'un a yw'r rôl yn cael ei chadw'n agored yn cael ei hystyried fesul achos

Mae'n rhaid i'r ymgeisydd llwyddiannus fod yn fodlon cael ei fetio hyd at Lefel MV/SC/DV

Yn ogystal â phroses fetio uwch a phroses fetio rheoli’r heddlu, rhaid pwysleisio bod yn rhaid i ymgeiswyr gyflawni'r ddau gliriad i ymgymryd â'r swydd hon, a chwblhau a phasio'r Cwrs Hyfforddi Cenedlaethol gofynnol hefyd.

Os bydd angen unrhyw help o ran y cwrs a'r broses recriwtio, byddwn yn cynnal gweithdy ar y diwrnod isod a all fod o ddiddordeb i chi:

Gweithdy ddydd Llun 4 Mawrth 2024 am 6:00 pm yn:

Canolfan Ddysgu'r Heddlu

Pencadlys Heddlu De Cymru

Heol y Bont-faen

Pen-y-bont ar Ogwr

CF31 3SU

Cofrestrwch eich diddordeb drwy e-bostio HR.Helpdesk@south-wales.police.uk 

Er mwyn gwneud cais cwblhewch y ffurflen gais ar-lein.