Arbenigwr Cyfreithiol/Biometreg ym maes Gallu Biometreg

Cyfle am secondiad cyffrous am hyd at 12 mis yn Heddlu De Cymru fel rhan o dîm newydd sbon a gaiff ei greu i fod ar flaen y gad o ran llywio prosesau i fabwysiadu biometreg sy'n dod i'r amlwg ym maes plismona.

Rydym yn chwilio am dîm dynamig o arbenigwyr, a gefnogir gan drefniadau gweithio ystwyth, ar gyfer y Swyddogaeth Fiometreg Genedlaethol (NBF). Bydd y tîm arbenigol yn cefnogi'r gwaith o adolygu, dylunio a datblygu cynigion ar gyfer gallu gorfodi'r gyfraith cydlynol mewn perthynas â biometreg yn y DU, gyda phwyslais penodol ar fiometreg sy'n dod i'r amlwg a datblygiad strwythurau traddodiadol.

I ddechrau bydd ffocws ar helpu heddluoedd i roi proses Adnabod Wynebau Ôl-weithredol ar waith drwy gefnogi timau gweithredu lleol a rhanbarthol i gyflawni'r manteision gweithredol a'r arbedion ariannol sylweddol sy'n gysylltiedig â defnyddio'r dechnoleg hon. Bydd y tîm arbenigol hwn hefyd yn darparu swyddogaeth gydgysylltu i gefnogi Bwrdd Strategaeth Fiometreg Genedlaethol Cyngor Cenedlaethol Prif Swyddogion yr Heddlu, ei raglen yn ogystal â strwythurau is-bwyllgorau.

Arbenigwr Cyfreithiol/Biometreg ym maes Gallu Biometreg – PO7 (£51 370.00)

Darparu gwasanaeth cyfreithiol cynhwysfawr i'r Swyddogaeth Fiometreg Genedlaethol sy'n ceisio adolygu, dylunio a datblygu cynigion ar gyfer gallu gorfodi'r gyfraith cydlynol mewn perthynas â biometreg yn y DU, gyda phwyslais penodol ar fiometreg sy'n dod i'r amlwg a datblygiad strwythurau traddodiadol.

Rhaid i'r ymgeisydd llwyddiannus fod yn gyfreithiwr neu'n fargyfreithiwr cymwysedig â thystysgrif ymarfer gyfredol

 gydag o leiaf bum mlynedd o brofiad ar ôl cymhwyso, yn ddelfrydol ym maes casglu, defnyddio, cadw a rhannu biometreg.

Os yw eich swydd bresennol o fewn y Ganolfan Gwasanaethau Cyhoeddus, neu os cawsoch eich cyflogi ar ôl 1 Chwefror 2017, mae'n rhaid eich bod wedi cyflawni 2 flynedd o wasanaeth â deiliadaeth cyn gwneud cais am unrhyw rolau eraill.

Mae'n rhaid i'r ymgeisydd llwyddiannus fod yn fodlon cael ei fetio hyd at Lefel MV/SC.

Os ydych yn rhan o Ymchwiliad sy'n mynd rhagddo ar hyn o bryd, ni fyddwch yn gymwys i wneud cais ar gyfer y rôl honA

Darparwch dystiolaeth sy'n dangos eich addasrwydd ar gyfer y rôl benodol yr hoffech wneud cais amdani yn unol â'r proffiliau rôl amgaeedig.

Os bydd angen unrhyw wybodaeth bellach arnoch mewn perthynas â'r prosiect neu'r rolau, cysylltwch â'r Prif Arolygydd Scott Lloyd (scott.lloyd@south-wales.police.uk)