Intern cynllunio argyfwng

Hoffech chi gael gyrfa heb ei hail? Os felly... YmunwchâNi

Mae Heddlu De Cymru yn dod â miloedd o bobl at ei gilydd sy'n rhannu'r un nod – cadw De Cymru'n ddiogel.

Rydym am sicrhau mai ni yw'r gorau am ddeall ac ymateb i anghenion ein cymunedau. I wneud hyn, mae angen i'r ymgeiswyr gorau posibl o amrywiaeth eang o gefndiroedd ymuno â'n teulu plismona.

Mae Interniaeth Heddlu De Cymru yn rhoi'r cyfle i chi brofi eich gwybodaeth academaidd mewn lleoliad ymarferol a phroffesiynol lle byddwch yn cael profiad gwaith a hyfforddiant gwerthfawr. Gallwch fod yn hyderus y cewch gymorth tîm arbenigol drwy'ch interniaeth a fydd yn eich annog i gyflawni eich potensial.

Bydd bod yn rhan o #TîmHDC yn cynnig profiad dysgu unigryw i chi lle byddwch yn cyfrannu at brosiectau bywyd go iawn mewn amgylchedd cymhleth ac amrywiol. Rydym yn gwerthfawrogi unigoliaeth ac yn annog syniadau newydd a chreadigrwydd a fydd yn cyfrannu at ein llwyddiant fel heddlu ac yn gwneud gwahaniaeth i gymdeithas.

Mae gennym gyfle cyffrous ar gyfer Intern Cynllunio Brys i ymuno â ni am gyfnod o 12 mis lle byddwch yn darparu cymorth gweinyddol o ddydd i ddydd, cymorth prosiect a dyletswyddau ymchwil i'r tîm.

Mae'r cyfle unigryw hwn yn rhoi profiad gwerthfawr o gyfrannu at Adran Gynllunio'r Heddlu i chi, drwy gymryd rhan mewn ysgrifennu, ac adolygu cynlluniau brys, gweithio'n agos gyda fforymau cydnerth lleol a darparu gwaith prosiect sy'n canolbwyntio ar flaen gynllunio gyda Llywodraeth Cymru o amgylch cynllunio brys i gynnwys ffeiliau cynllun bygwth a risg posibl.

Bydd yr interniaeth yn dechrau fis Medi 2023 ac er mwyn bod yn gymwys bydd angen i chi fod wrthi'n astudio ar gyfer gradd mewn pwnc perthnasol a all gynnwys Rheoli Busnes/Prosiect. Neu wedi raddio o fewn y 3 mlynedd diwethaf . Mae'n rhaid i chi feddu ar sgiliau TGCh rhagorol a'r gallu i lunio adroddiadau cynhwysfawr, rhesymegol a strwythuredig o ansawdd uchel. Mae'n rhaid i chi gael gwybodaeth neu gymhwyster y Ddeddf Argyfyngau Sifil Posibl.

Mae buddiannau niferus i weithio i Heddlu De Cymru, o gyfleoedd dysgu a datblygu i gynlluniau sy'n anelu at wella eich ffordd o fyw a'ch llesiant, yn ogystal â Chynllun Pensiwn Llywodraeth Leol / Cynlluniau Pensiwn yr Heddlu hael, gwyliau blynyddol â thâl, gweithio hyblyg a pholisïau cyfeillgar i deuluoedd a llawer mwy, cliciwch yma i gael rhagor o wybodaeth.

Cyfweliadau am y bost yma yn disgwyl ei fod yn Ionawr 2023  

Peidiwch â cholli'r cyfle gwych hwn, gwnewch gais heddiw ac ymunwch â #TîmHDC