Uwch-ddadansoddwr Darparu Gwasanaethau TGCh

Y rôl

Rydym yn chwilio am Uwch-ddadansoddwr Darparu Gwasanaethau profiadol i ymuno â'n Hadran TGCh yn Heddlu De Cymru. Bydd yr ymgeisydd llwyddiannus yn atebol i'r Rheolwr Gwasanaethau Cwsmeriaid ac yn gyfrifol am sicrhau y darperir gwasanaethau TG o ansawdd uchel i gwsmeriaid mewnol, gan weithio'n agos gyda'r tîm rheoli gwasanaethau er mwyn sicrhau y darperir gwasanaethau TG yn unol â lefelau gwasanaeth y cytunwyd arnynt.

Cyfrifoldebau:

• Sicrhau y darperir gwasanaethau TG o ansawdd uchel i gwsmeriaid mewnol
• Gweithio'n agos gyda'r tîm rheoli gwasanaethau er mwyn sicrhau y darperir gwasanaethau TG yn unol â lefelau gwasanaeth y cytunwyd arnynt
• Monitro perfformiad gwasanaethau, a chymryd camau priodol i ddatrys problemau a gwella gwasanaethau
• Rheoli a chydlynu prosesau rheoli digwyddiadau, problemau a newid
• Gweithredu fel pwynt cyswllt ar gyfer materion sy'n ymwneud â gwasanaethau a materion a uwchgyfeirir
• Nodi gwelliannau i brosesau a gweithdrefnau darparu gwasanaethau a'u rhoi ar waith
• Monitro ac adrodd ar berfformiad gwasanaethau yn erbyn CLGau a DPAau
• Cydweithio â thimau eraill i sicrhau bod gwasanaethau TG yn cyd-fynd ag anghenion busnes

Gofynion:

• Rhaid meddu ar radd berthnasol a/neu gymwysterau arwyddocaol eraill ym maes TGCh, Rheoli Gwasanaethau neu Reoli Busnes neu ddangos profiad perthnasol.

• Sgiliau a phrofiad o reoli a gweithredu ym maes Rheoli Gwasanaethau TGCh mewn sefydliad o faint cymharol gydag ystod amrywiol o wasanaethau sy'n seiliedig ar dechnoleg.
• Profiad o reoli digwyddiadau, problemau a newid a chymorth TGCh arall o ddydd i ddydd.
• Sgiliau dadansoddi a datrys problemau cryf

Ble byddwch wedi'ch lleoli:

Mae'r Uwch-ddadansoddwr Darparu Gwasanaethau TGCh yn rhan o'r adran Darparu Gwasanaethau. Gan fod yn atebol i'r Rheolwr Gwasanaethau Cwsmeriaid, bydd eich meysydd cyfrifoldeb yn cynnwys:

• Systemau Rheoli Gwasanaethau TGCh, Meddalwedd a Gwasanaethau
• Rheoli Gwasanaethau TGCh
• Swyddogaeth a Rheolaeth Desg Gymorth TGCh,
• Rheoli Cysylltiadau Cwsmeriaid TGCh,
• Rheoli Cyflenwyr/Cyflenwadau TGCh
• Rheoli Gweithrediadau TGCh.

Amrywiaeth, Cydraddoldeb a Chynhwysiant

Fel Heddlu, rydym wedi ymrwymo i ddatblygu strwythur cyffredinol cydraddoldeb, amrywiaeth a chynhwysiant ym mhob rhan o Heddlu De Cymru: yn ein gweithlu ac yn y gwasanaethau a ddarparwn.

Mae Heddlu De Cymru yn gyflogwr cyfle cyfartal ac yn benderfynol o ddenu, cyflogi a chefnogi gweithlu sy'n cynrychioli'r gymdeithas amrywiol a wasanaethir ganddo.

Rydym wedi ymrwymo i sicrhau amgylchedd gwaith lle nad oes achosion o aflonyddu, bygwth, bwlio nac erlid.

Croesewir ceisiadau gan grwpiau heb gynrychiolaeth ddigonol a bydd cymorth ar gael i bob ymgeisydd ar gais. 

Mae'n rhaid i'r ymgeisydd llwyddiannus fod yn fodlon cael ei fetio hyd at Lefel MV/SC.

Os ydych yn rhan o Ymchwiliad sy'n mynd rhagddo ar hyn o bryd, ni fyddwch yn gymwys i wneud cais ar gyfer y rôl hon