Cydlynydd Gwirfoddoli Seiber

Mae Uned Troseddau Cyfundrefnol Rhanbarthol Tarian yn chwilio am unigolyn trefnus a llawn cymhelliant i gydlynu a datblygu ei Rhaglen Gwirfoddoli Seiber a Thwyll. 

Mae hwn yn gyfle cyffrous i arwain y ddarpariaeth o rwydwaith o wirfoddolwyr sy'n cefnogi uchelgais yr Uned Troseddau Cyfundrefnol Rhanbarthol o amddiffyn cymunedau rhag seiberdroseddu a thwyll.

Byddwch yn goruchwylio'r broses recriwtio a datblygu a llesiant gwirfoddolwyr sy'n darparu cyngor, addysg a chymorth i unigolion, busnesau a grwpiau cymunedol ledled y rhanbarth.

Mae'r rôl yn canolbwyntio ar reoli gwirfoddolwyr yn unig, gan sicrhau bod y rhaglen wirfoddoli'n gweithredu'n effeithiol ac yn unol ag amcanion Dinasyddion ym maes Plismona.

Cyfrifoldebau Allweddol
• Arwain a chefnogi tîm o Wirfoddolwyr Seiber a Thwyll ledled y rhanbarth.
• Datblygu a chyflwyno rhaglenni recriwtio, sefydlu a hyfforddi gwirfoddolwyr.
• Olrhain ymgysylltu, perfformiad a llesiant gwirfoddolwyr, cadw cofnodion cywir a sicrhau arferion gorau.
• Cydweithio ag adrannau mewnol a phartneriaid Dinasyddion ym maes Plismona cenedlaethol.
• Nodi cyfleoedd i ehangu rôl y gwirfoddolwyr wrth ddarparu mentrau atal seiber a thwyll
• Hyrwyddo cyfraniad gwirfoddolwyr a sicrhau bod eu gwaith yn gyson â nodau Uned Troseddau Cyfundrefnol Rhanbarthol Tarian.

Amdanoch Chi
Rydym yn chwilio am rywun:
• Sydd â phrofiad yn cydlynu gwirfoddolwyr, gweithio mewn partneriaeth neu ddarparu rhaglen gymunedol.
• Sy'n dangos sgiliau trefnu, rhyngbersonol a chyfathrebu cryf.
• Sy'n gallu gweithio'n annibynnol, gan fod yn flaengar a phroffesiynol.
• Sy'n hyderus yn cyflwyno o flaen cynulleidfaoedd amrywiol ac yn paratoi adroddiadau ysgrifenedig clir.
• Sy'n fedrus gyda Microsoft Office ac yn gyfforddus yn cadw cofnodion digidol.

Hanfodol:

• TGAU Lefel A-C mewn Saesneg a Mathemateg (neu gyfatebol).
• Yn barod i gwblhau hyfforddiant wedi'i achredu gan Gyngor Cenedlaethol Prif Swyddogion yr Heddlu
• Profiad yn darparu hyfforddiant, cyflwyniadau neu weithgareddau ymgysylltu â'r cyhoedd.
• Trwydded yrru ddilys lawn.
• Profiad â Dinasyddion ym maes Plismona, rheoli gwirfoddolwyr neu amgylchoedd gorfodi'r gyfraith.

Dymunol:

• Gradd neu gyfatebol
• Cymraeg Iaith Lefel 2 neu uwch.

Pam Ymuno â Ni

Mae hwn yn gyfle unigryw i fod yn rhan o dîm ymgysylltu o'r radd flaenaf, a gydnabyddir yn genedlaethol, arloesol, sy'n helpu i lywio dyfodol cydnerthedd seiber a thwyll o fewn plismona a thu hwnt. Byddwch yn gweithio gyda chydweithwyr talentog, partneriaid diwydiant ac asiantaethau gwladol i greu cymunedau mwy diogel drwy barodrwydd a chydweithio.

Ble y byddwch wedi'ch lleoli

Mae'r Cydlynydd Gwirfoddoli Seiber/Twyll yn eistedd o fewn y Tîm Ymgysylltu 3P Seiber a Thwyll Rhanbarthol ac yn atebol i'r Ditectif Rhingyll.

Mae'r buddiannau yn cynnwys:

• 
  Cyfleoedd hyfforddi a datblygu proffesiynol
  • Cynllun Pensiwn Llywodraeth Leol
  • 24 diwrnod o wyliau blynyddol yn cynyddu i 29 diwrnod ar ôl 5 mlynedd o gyflogaeth
  • Gweithio hyblyg (yn dibynnu ar ddyletswyddau)
  • Parcio am ddim ar y safle
  • Ffreutur ar y safle
  • Amgylchedd gwaith cydweithredol a chefnogol
  • Cynllun beicio i'r gwaith
  • Rhaglenni lles
  • Cerdyn Diolch Vectis Heddlu De Cymru a Cherdyn Gostyngiadau Golau Glas
  • Cyfle i wneud cyfraniad ystyrlon i ddiogelwch y cyhoedd a llesiant y gymuned

Amrywiaeth, Cydraddoldeb a Chynhwysiant
Fel Heddlu, rydym wedi ymrwymo i ddatblygu strwythur cyffredinol cydraddoldeb, amrywiaeth a chynhwysiant ym mhob rhan o Heddlu De Cymru, yn ein gweithlu ac yn y gwasanaethau rydym yn eu darparu.

Mae Heddlu De Cymru yn gyflogwr cyfle cyfartal ac yn benderfynol o ddenu, cyflogi a chefnogi gweithlu sy'n adlewyrchu’r gymdeithas amrywiol rydym yn ei gwasanaethu. Rydym wedi ymrwymo i gynnal amgylchedd gwaith lle nad oes achosion o aflonyddu, bygwth, bwlio nac erlid.

Mae'n rhaid i'r ymgeisydd llwyddiannus fod yn fodlon cael ei fetio hyd at Lefel MV/SC 

Sylwch, os ydych yn ymgeisydd mewnol ac yn destun ymchwiliad parhaus i PSD, efallai y bydd oedi cyn i'ch penodiad neu leoliad yn y rôl gael ei ohirio hyd nes y bydd canlyniad. Bydd p'un a yw'r rôl yn agored yn cael ei hystyried fesul achos

Croesewir ceisiadau gan grwpiau heb gynrychiolaeth ddigonol a bydd cymorth ar gael i bob ymgeisydd ar gais.

Rhagor o wybodaeth

I gael rhagor o wybodaeth am y rôl, cysylltwch â HRProcesses@south-wales.police.uk

Noder:

O ganlyniad i natur sensitif y gwaith a gyflawnir gan Heddlu De Cymru, bydd pob ymgeisydd yn ymgymryd â gwiriadau cefndir cynhwysfawr fel rhan o'r broses recriwtio. Rhaid i'r Ymgeisydd llwyddiannus fod yn barod i ymgymryd â phroses fetio hyd at lefel Fetio Rheoli a Chliriad Diogelwch.