Cydlynydd Prosiectau Technegol TGCh

Cydlynydd Prosiectau Technegol TGCh

Lleoliad: Pencadlys Heddlu De Cymru, Pen-y-bont ar Ogwr, Cymru

Parhaol

Cyflog £39,813 - £45,147

• Ydych chi'n chwilio am y cam nesaf yn eich gyrfa?
• Hoffech chi fod yn rhan o Sefydliad Arloesol?

Amdanom Ni: Heddlu De Cymru yw'r heddlu mwyaf yng Nghymru, yn gwasanaethu poblogaeth o tua 1.3 miliwn o bobl ar draws ardal o 2,117 milltir sgwâr. Rydym yn ymrwymedig i gadw ein cymunedau'n ddiogel, ac rydym yn dibynnu ar dechnoleg arloesol i gefnogi ein gweithrediadau. Fel Cydlynydd Prosiectau Technegol TGCh, byddwch yn chwarae rôl allweddol yn sicrhau bod ein seilwaith TGCh yn gweithio'n ddidrafferth ac yn rhoi cymorth technegol i'n staff. Yn ddiweddar rydym wedi buddsoddi'n fawr yn ein hadran TGCh â phrosiectau a chyfleoedd newydd cyffrous wedi'u hariannu gan fuddsoddiad sylweddol. Rydym yn mynd drwy gyfnod o dwf sylweddol a newid technolegol, felly does dim cyfle gwell na hyn wedi bod erioed i ymuno!

Y rôl

Bydd y Cydlynydd Prosiectau Technegol yn helpu'r Rheolwyr Prosiectau Technegol i ddarparu cymorth proffesiynol a rhagweithiol i amrywiaeth o brosiectau ac adolygiadau technegol mawr. Yn ogystal, byddwch yn rheoli eich prosiectau a'ch newidiadau llai eich hun.  Byddwch yn cynnal cynlluniau prosiect, yn paratoi adroddiadau ac yn gwneud gwaith ymchwil, gan sicrhau bod cynnydd a chanlyniadau yn cael eu monitro'n effeithiol.

Cyfrifoldebau:

• Darparu gwydnwch i'r Rheolwyr Prosiectau Technegol
• Datblygu a rheoli prosiectau, a gaiff eu neilltuo gan y Rheolwr Rhaglenni
• Nodi a rheoli risgiau a phroblemau gyda phrosiectau
• Rhannu cynnydd a statws prosiectau â rhanddeiliaid
• Sicrhau bod yr holl eitemau i'w cyflawni ar brosiectau yn bodloni'r safonau ansawdd gofynnol

Gofynion:

• Rhaid meddu ar sgiliau cyfrifiadurol a bod yn hyddysg mewn rhaglenni Microsoft.
• Yn gyfarwydd â methodoleg rheoli prosiectau Prince2.
• Yn gallu rheoli sawl darn o waith o dan brosiect, rhaglen a strwythur portffolio technegol
• Yn meddu ar sgiliau dadansoddi a threfnu da
• Ymwybyddiaeth o bwysigrwydd gwiriadau archwilio/cydymffurfio
• Yn meddu ar sgiliau cyfathrebu rhagorol yn ysgrifenedig ac ar lafar (gan gynnwys dogfennaeth prosiectau fel achosion busnes, adroddiadau ar y prif bwyntiau a RAIDD)
• Yn gallu ymchwilio i wybodaeth, ei choladu a'i lledaenu
• Brwdfrydedd i ddarparu datrysiadau arloesol sy'n cefnogi cenhadaeth Heddlu De Cymru
• Dangos ymwybyddiaeth o'r ddeddfwriaeth a'r arferion Iechyd a Diogelwch presennol

Ble y byddwch wedi'ch lleoli:

Mae'r Cydlynydd Prosiectau Technegol TGCh yn gweithio yn y Swyddfa Rheoli Rhaglenni Technegol ac yn adrodd i'r Rheolwr Rhaglenni Technegol TGCh.

Mae'r buddiannau yn cynnwys:

• Cyfleoedd hyfforddi a datblygu proffesiynol
• Cynllun Pensiwn Llywodraeth Leol
• 24 diwrnod o Wyliau Blynyddol yn cynyddu i 29 diwrnod ar ôl 5 mlynedd o gyflogaeth
• Gweithio hyblyg yn dibynnu ar ddyletswyddau
• Parcio am ddim ar y safle
• Canolfan ffitrwydd a ffreutur ar y safle
• Amgylchedd gwaith cydweithredol a chefnogol
• Cynllun beicio i'r gwaith
• Rhaglenni lles
• Cerdyn Diolch Vectis Heddlu De Cymru a Cherdyn Gostyngiadau Golau Glas
• Cyfle i wneud cyfraniad ystyrlon i ddiogelwch y cyhoedd a llesiant y gymuned

Amrywiaeth, Cydraddoldeb a Chynhwysiant

Fel Heddlu, rydym wedi ymrwymo i ddatblygu strwythur cyffredinol cydraddoldeb, amrywiaeth a chynhwysiant ym mhob rhan o Heddlu De Cymru: yn ein gweithlu ac yn y gwasanaethau a ddarparwn.

Mae Heddlu De Cymru yn gyflogwr cyfle cyfartal ac yn benderfynol o ddenu, cyflogi a chefnogi gweithlu sy'n cynrychioli'r gymdeithas amrywiol a wasanaethir ganddo.

Rydym wedi ymrwymo i sicrhau amgylchedd gwaith lle nad oes achosion o aflonyddu, bygwth, bwlio nac erlid.

Croesewir ceisiadau gan grwpiau heb gynrychiolaeth ddigonol a bydd cymorth ar gael i bob ymgeisydd ar gais. 

I gael rhagor o wybodaeth am y rôl, cysylltwch â Lance.Thomas@south-wales.police.uk

Noder: O ganlyniad i natur sensitif y gwaith a gyflawnir gan Heddlu De Cymru, bydd pob ymgeisydd yn ymgymryd â gwiriad cefndir cynhwysfawr fel rhan o'r broses recriwtio.

Mae'n rhaid i'r ymgeisydd llwyddiannus fod yn fodlon cael ei fetio hyd at Lefel MV/SC 

Sylwch, os ydych yn ymgeisydd mewnol ac yn destun ymchwiliad parhaus i PSD, efallai y bydd oedi cyn i'ch penodiad neu leoliad yn y rôl gael ei ohirio hyd nes y bydd canlyniad. Bydd p'un a yw'r rôl yn agored yn cael ei hystyried fesul achos